متحاولش تعوض حاجة فاتتك

ماتحاولش تعوض حاجة فاتتك
لو فاتتك مرحلة من عمرك
ماتحاولش تعيشها تاني
لو خسرت حاجة ماتحاولش تعوضها
عارف ليه؟
لأنك أولاً هتخسر اللي انت فيه دلوقتي
وانت بتحاول تعوض اللي فاتك
مثلاً لو حاولت تعوض طفولة ماعشتهاش
وكنت شاب مثلاً وقتها هتخسر مرحلة شبابك
في محاولة انك تحيا فترة عدت وانقضت
ومش هترجع تاني أبداً
غير انك دايماً هتحس ان فيه حاجة ناقصاك
لانك مهما حاولت فمش هتقدر تعوض حاجة خسرتها
ودايماً هيكون جواك مرارة علي الحاجة اللي خسرتها
وانك نفسك تنتقم من اللي كان سبب في دا
وهتحاول بكل طاقتك تحس بالاحساس اللي كان
مفروض تحسه وقتها واللي عمرك ماهتقدر تحسه
عارف ليه لأنك اتخطيت المرحلة دي خلاص
ومهما حاولت الزمن مش ممكن يرجع لورا
ولا اللي خسرته ممكن يرجع
طب الحل ايه؟
تقبل اللي حصل في حياتك لو مالوش حل
تقبل حقائق الحياة ولا تصطدم مع القدر
في النهاية دي مجرد دار ابتلاء
العطاء فيها بلاء زيه زي المنع
مش معني كدة انك ماتكونش سعيد
لا خليك سعيد بما هو متاح في ايديك
حالياً وباللي تقدر تحصل عليه
كن طموح وابتدي خطط لحياتك اللي
انت عايشها حالياً بكل ظروفها وأحداثها
وشوف انت عايز تروح فين
ولازم تعمل ايه عشان تروحه
تقبل الماضي بكل آلامه وأحزانه وكل اللي
خسرته وعشته فيه
ارمي ورا ضهرك وتقبل أسوأ ما حصل لك
تعايش معاه تكيف مع وجوده
البلاء دا جزء من حياتنا في الدنيا
ولازم تبقي عارف طول ما انت ماشي في الدنيا
هتلاقي ناس تحاول تهينك وناس تحاول تذلك
هتخسر أقرب ناس ليك
هتلاقي اللي يسببلك مشاكل
تقبل كل دا انت مش في الجنة
المهم رد فعلك علي اللي بيحصل
وافتكر انت ماتقدرش تتحكم في الفعل
يعني ماتقدرش تخللي الناس كلها كويسة
ولا الظروف كلها تمام
بس تقدر تتحكم في رد فعلك لو عايز
تتحكم في احساسك ومشاعرك ورد فعلك
اتجاه كل اللي بيحصل واللي هيحصل
وتقدر تقرا سير العظماء والناجحين والأنبياء
وتعرف ازاي قدروا يتقبلوا البلاءات في حياتهم
ويتعايشوا معاها وماسمحولهاش تأثر عليهم
داخلياً ولا علي صورتهم قدام نفسهم
وقدروا يصنعوا نجاحهم العظيم
تقبل كل اللي حصل في حياتك
وتعايش معاه
وما تحاولش تعوض حاجة
بس شوف انت فين حالياً
وعايز تروح فين
وهتعمل ايه عشان توصل
وارمي امبارح ورا ضهرك
والله امبارح لا يمكن يرجع
ماتستناش حد يخترع لك آلة زمن
ترجع بيها
انت عارف ان سنة الكون انه ماشي لقدام
وهياخدك معاه شئت أم أبيت
فما تضيعش باقي حياتك ومممتلكاتك
في محاولة البحث عن سراب
وتعويض ما لايمكن أن يعوض
أيوه مالوش تعويض
تقبل انك عمرك ما هتقدر تعوضه
وعيش حياتك بقي
انجح وكن سعيد
واعتبر اللي فات منك تمن كان لازم
تدفعه لنجاحك في حياتك
كان تجربة وكان لازم تمر بيها عشان تتعلم
اللي هيساعدك علي النجاح في حياتك بعد كدة
ولازم تعرف مفيش حاجة من غير تمن
ولو فاكر انك هتاخد من غير ما تدفع
تبقي غلطان قوي لأنك هتدفع شئت أم أبيت
فتدفع وتاخد ولا تدفع وماتاخدش حاجة؟
انت اختار
اذا كنت كدة كدة هتدفع فادفع وخد نجاح
بدل ما تدفع علي الفاضي
عيش النهاردة بكل مافيه وركز عليه واتمتع بيه
بدل ماييجي يوم تحاول تعوضه هو كمان وماتقدرش
وتقضي حياتك بتعوض اللي فات
زي شخص يفضل طول حياته يشتغل ويتعب عشان يسدد ديونه
عيش اليوم وخطط للمستقبل
تقبل الماضي تقبل اللي خسرته
ارم امبارح ورا ضهرك في مكانه الحقيقي
وابتسم وانت بتبص لقدام
وفقك الله ورعاك
قلبى لك

موضوع اكثر من رائع

دمتى بكل خير عزيزتى

توقيع : sherif101

█‏█‏█‏█‏█‏█‏███‏
تحيا متحاولش تعوض حاجة فاتتك 4136803066

مصـر
█‏█‏█‏█‏█‏█‏███

شكرا لهذا الموضوع

» كلمات اغنية كان كل حاجة عمرو دياب 2014 من البوم شفت الايام
» كلمات اغنية محصلش حاجة :: سميرة سعيد :: مكتوبة من البوم عايزة اعيش
» عمرو دياب " مفيش حاجة اسمها عادي " HQ @ 320Kbps علي اكثر من سيرفر 2013
» بالصور كرنفال السامبا باليابان من اقوى المهرجانات الراقصة .. حاجة حلوة خالص
» برنامج مصنع الصيغ Format.Factory.2.10.Portableعر بى بيحول كل حاجة من والى جميع الصيغ .اغانى وصور وفيديوهات وفلاشات . حصريا بمنتديات اشواق وحنين