نصائح منزلية ذهبية وبسيطة لكل عروسة مقبلة على الزواج وكل سيدة تريد ان تنظم حياتها ووقتها .

ايتها الغالية زوجة او عروسة مقبلة على الزواج , يسعدنا ان نقدم لكى بعض من النصائح المنزليه البسيطة والسهلة جداا وغير مكلفة , بل موفرة لمصروفك ومصروف اولادك وبيتك ومنظمة الى حد كبير فى وقتك وحياتك وبالتالى يسعد بها زوجك.
ونرجو من الله ان يوفقكن بتنفيذها بكل عناية ,لعلها تكون سبب ولو بسيط فى اسعادك واسعاد اسرتك .
نبدء بسم الله الرحمن الرحيم

1- لما تيجى تعملي فراخ بانيه او بوفتيك افردي كيس بلاستك وحطى عليه البقسماط والتتبيلات وتبلي عليه وبعدين لما تخلصي لمى الكيس وارميه على طول كدة هتوفري غسيل طبق كمان هتحمى حوضك من الانسداد بسبب البقسماط اللي بيقع في الحوض اثناء الغسيل .
2- لو وقعتى زيت على الارض متجريش تجيبى فوطة وتمسحيه لا رشيى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر ولا اكن في حاجة وقعت .
3- حطى حتة فحم في طبق صغير في اى مكان بيطلع روائح غير مستحبة زى الجزامات والتلاجات والفريزر و اى ضلفة مطبخ او خزين بتسحب كل الروائح تماما.
4- لما يقع منك بيض على الارض او على التربيزة بيض نى طبعا اوعى تمسحيه بفوطة لا امسحيه بمنديل كلينكس وارمى على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل وكذلك اللبن.
5- ما تمسحيش رخامات المطبخ بالكلور لانه سوف يترك اثر وعندما تقطعين اى طعام او تضعين اى طعام على الرخامة فيلتقط الطعام الكلور فورا >> فمن الافضل ان تمسحيها بالخل لانه ماد طبيعية ومطهرة وغير ضار على الصحة وبيقتل الجراثيم .
6- لو عندك حاجة نحاس متجبيش نحيتها مايه >> بنص ليمونة وادعكيها هترجع جديدة
7- لو عندك مكواه بخار وحاسة ان كفائتها قلت حطى في خزان الماية خل وسخنيها وسبيها ربع ساعة في الفيشة على اعلى درجة وبعدين اضغطى على دافع البخار لحد ما يتبخر كل الخل حتلاقي طلع حاجات كدة زى الطين ودى رواسب الماء لما بيغلي ويتبخر وكررى الطريقة مع مايه عادية مرتين لشطف خزان الماء وفوطة مبلولة امسحى الرواسب اللي خرجت حتلاقيها رجعت جديدة.
8- عاوزة عيون البوتجاز الاستانلس تبرق انقعيها مع قشر ليمون ومايه سخنة في طبق وبعدين بصابونة وش لوكس او كامى او اى حاجة حطى منها حته على ليفه وادعكى حترجع جديدة.
9- ضعى فى كل غرفة ومطبخ وحمام باسكيت (سلة مهملات) ولبسي كل باسكت منهم اكتر من كيس فوق بعض بحيث يتملي واحد تشليه تلاقي واحد مكانه وبكدة توفري وقتك في تغيير الكيس كل يوم.
10- دايما خلى عندك فرشة بيد وهاتى علبة شاور جل او شامبو فاضيه وحطى فيها سائل تنظيف كلوركس كلين , وانتى بتغسلي وشك الصبح حطى شوية سائل وادعكى الحوض بالفرشاه في اقل من دقيقة بقى زى الفل.
11- اول ماتصحى الصبح وانتى لسه بتلبسي شبشبك عدلي ملاية السرير والمخدات وبكدة تكونى خلصتى من مهمة يومية من غير ماتخدي بالك.
12- وانتى واقفه تعملى الشاى ولا النسكافيه على ما الماية تغلي روقى ضلفة واحدة في المطبخ تكون عاوزة تتظبط .
13- - خلى عندك ريشه دائما لتنظيف اى تراب تلاقيه بسرعة وسهوله .
14- لو عندك ملابس بيضاء وحصلها اى مشكله اغليها مع الليمون في حلة وحتبقى زى الفل.
15- عندك نمل انسي .انزلى اى مشتل محترم وقوليلوا عاوزة مليسيون وهاتى علبه جلانس قديمه وحطة ثلاث غطيان واملي الباقي مايه ورشي كل الاركان اول الصيف وانسي بقى للصيف اللي بعده لو شفتى ربع نمله هو رحته وحشة بس بالتهوية والمراواح بتروح في يوم واحد وانسي النمل.
16- لو حذائك الجديد ماسك على رجلك شويه حطى فيه جرايد مبلولة وسبيه في البلكونة لحد ما الجرايد تنشف حيطرى جدا في رجلك.
17- لو بتسلقى فراخ او لحمة وعاوزة تزوديها مايه اغلي الماية اللى عايزة تزوديها في البويلر وزوديها سخنة علشان تستوي بسرعة
18- لوعندك ملايات وفوط كتير مفيش داعى تستخدميها كلها شيلي اللي مش محتجاه في البلاكار وطلعى جزء فقط كدة ضلفة الملايات والفوط ما تبقى زحمة ومش مرتبه ونفس الوقت لما تزهقى من هذه المجموعة تبدلي مابينهم وكدة بيكون كانك اشتريتى مجموعة جديدة.
19- لو عندك اى حاجة وخايفه عليها تسوس حطى معاها ورق لورا.
20-قبل ما تنضفى الحمام حمى ولادك او اغسلي اى حاجة المهم خلى الحمام يبقى مبخر تنظيفه بيكون اسهل كتييييير
21- لوعندك خرم في الحيطة حطى فيه معجون سنان ابيض وبالوان جواش من اى مكتبه لونى الحيطة بنفس لونها حيختفي الخرم بنسبة 80 %
22- انقعى ليفة المواعين في مزيج من الخل والماء وقشر الليمون علشان القضاء على الجراثيم التى تنمو بداخلها.
23- لوبتقشري اى خضار دايما تحطى معاكى الحاجات دى كيس الخضار وكيس فاضي للقشر اوعى تقولى حقشر في نفس كيس الخضار كدة حتتورطى في انك بعد كدة تقعدى تدورى ايه اللي اتقشر او اتفصص وايه لسه لا حطى القشر في كيس منفصل وطبعا طبق طحى فيه اللي اتقشر خلاص وبعدين ارمى كيس القشر على طول
24- لو بتخزنى الشتوى او الصيفي وخايفة من العتة او الحشرات حطى ما بينهم شربات فيليه قديمه مليانة مسحوق غسيل يدوى زى اريال مثلا هاتى الشراب وامليه واعقديه من فوق وحطيه اولا بيمنع تماما الحشرات ثانيها لما تيجي تطلعى الهدوم تطلع ريحتها كانها لسه طالعة من الغسالة.
25- لو حتشيلي سجادة حطى فيها سرة فلفل اسود حب بيمنع العتة والحشرات تماما.
26- خلى لكل طفل زمزميه علشان مش كل شويه ماما ميه ماما ميه.
27- لو بوتجازك استنلس هاتى سبيداج وادعكى بيه البوتجاز هيرجع جديييد 30- لوعندك برطمان كنتى حاطة فيه مخلل او حاجة ريحتها نفاذه وعوزاه الريحة تروح منه حطى فيه جرايد وسبيه كام يوم
28- لو ابنك بقع نفسه فوراااااا اغسلي البقعه بصابون الوجه ومهما كانت البقعة هتتطلع.
29- لو عندك عزومة واطباق بقى وهم هاتى كيس زبالة كبير وحطيه جنب الحوض وانقلي الاطباق للمطبخ وبعدين تكونى ماليه الحوض ماء ساخن بصابون سائل مع شوية خل علشان سهولة نزع الدهون.
30-للمحافظه على رونق ملابسك السوداء والكحلى لمده اطول اضيفى قليلا من الملح فى ماء الشطف
31-قبل غلى اللبن فى اناء الالومنيوم اغسليه اولا بالماء البارد فيصبح سهلا فى التنظيف فيما بعد.
32- لفتح الاوعية المحكمة الغلق ارتدى قفازا مطاطيا حتى تكون قبضة يدك قوية.
33-استخدمى ورق الصنفرة فى جعل ابرة ماكينه الخياطة حادة.
34-للتخلص من البقع العالقة بالملاعق استخدمى معجون الاسنان فى تنظيفها.
35- يمكنك لصق البوسترات على الحائط باستخدام معجون الاسنان حتى يسهل ازالته فيما بعد.
36-قومى بتجربة السوسته عده مرات قبل الشراء.
37-قبل نزولك لشراء ملابس وملابس اسرتك حددى احتياجاتك بدقة لكيلا تشترى اشياء لا تناسبك.
38- تاكدى من عدم وجود بقع على سطح القماش كالتنسيل والبقع قبل الشراء واختبرى الخياطة بشد طرفى القماش من جوانب الخياطة.
39- اختبرى درجات ثبات اللون عن طريق منديل ابيض او قطنة وقومى بحكها بالقماش فاذا ظهر بالمنديل لون لا تشترى المنتج .
40- لنزع اللبان من الملابس ... ضعى الثياب في مجمد الثلاجة(الفريزر) لمدة ساعة .
41- للحصول على مكعبات نقية من الثلج ... إغلي الماء أولا ثم اتركيه يبرد وبعدها جمديه .
42- لجعل المرايا تلمع ... إمسحها بالسبيرتو وورقة جرنال (جريدة).
43- لإعطاء الشعر لمعاناً... أضف ملعقة صغيرة من الخل للشعر ثم اغسله جيداً .
44- لمعرفة البيض الطازج.... ضعى البيضة في وعاء ملئ بالماء ، فإن رسبت (نزلت اسفل الاوعاء) بشكل أفقي فإنها طازجة ، وإن رسبت بشكل مائل ، فإن عمرها 3-4 أيام ، وإن رسبت بشكل عمودي ، فإن عمرها 10 أيام ، وإن طفت (ارتفعت على سطح الماء) فإنها فاسدة.

نصائح منزلية ذهبية وبسيطة لكل عروسة مقبلة على الزواج وكل سيدة تريد ان تنظم حياتها ووقتها . 2873877460

بس كفاية عليكم كدة
ان شاء الله تستفيدو ولو بالقليل
دمتم فى رعاية الله وحفظه
نصائح منزلية ذهبية وبسيطة لكل عروسة مقبلة على الزواج وكل سيدة تريد ان تنظم حياتها ووقتها . 1684263492

نصائح منزلية ذهبية وبسيطة لكل عروسة مقبلة على الزواج وكل سيدة تريد ان تنظم حياتها ووقتها . 1684263492

توقيع : sherif101

█‏█‏█‏█‏█‏█‏███‏
تحيا نصائح منزلية ذهبية وبسيطة لكل عروسة مقبلة على الزواج وكل سيدة تريد ان تنظم حياتها ووقتها . 4136803066

مصـر
█‏█‏█‏█‏█‏█‏███

معلومات جميلة اوووووووووووي
ميرسي ليك يا شريف

نصائح منزلية ذهبية وبسيطة لكل عروسة مقبلة على الزواج وكل سيدة تريد ان تنظم حياتها ووقتها . 790027986

نصائح منزلية ذهبية وبسيطة لكل عروسة مقبلة على الزواج وكل سيدة تريد ان تنظم حياتها ووقتها . 790027986

توقيع : اشواقى تناديك

لا شكر على واجب
ونرجو الافادة للجميع

توقيع : sherif101

█‏█‏█‏█‏█‏█‏███‏
تحيا نصائح منزلية ذهبية وبسيطة لكل عروسة مقبلة على الزواج وكل سيدة تريد ان تنظم حياتها ووقتها . 4136803066

مصـر
█‏█‏█‏█‏█‏█‏███

» كلمات سيدة عمري الفاضلة للقيصر كاظم الساهر + استماع اغنية سيدة عمرى الفاضلة
» 6 خطوات بسيطة لاستعادة الرومانسية بعد الزواج
» رابع سيدة تسحب أوراق الترشح للرئاسة بمصر
» بلقيس الراوي - ملهمة «نزار قباني» ومشاهد من حياتها - بالصور
» استشارات قبل الزواج